INSKRYWINGS OM TOELATING VIR 2026
Inskrywings om toelating vir graad 9-12 in 2026
Beste voornemende Kempie-ouer
Om u kind vir graad 9-12 (2026) by Hoërskool Kempton Park in te skryf moet die volgende stappe gevolg word:
U word versoek om die INSKRYWINGS OM TOELATING vir Hoërskool Kempton Park te voltooi.
Dokumente wat die aansoek moet vergesel:
- Dokument wat u gaan aflaai op die bladsy
- Afskrif van u kind se geboortesertifikaat;
- Afskrif van beide biologiese ouers se ID-dokumente;
- Nuutste rapport of vorderingsverslag;
- Bewys van adres;
- Gedeeltelike skoolgeldpaaiement van R 1000.00. Die bedrag vorm deel van 2026 se skoolgeld en is ten volle terugbetaalbaar indien u kind nie by Hoërskool Kempton Park geplaas word nie. Indien u nie die bedrag betaal wanneer die aansoek ingehandig word nie, sal dit nie u kind se aansoek benadeel nie.
Die gedeeltelike skoolgeldpaaiement kan SLEGS tydens die indiening van die inskrywingsvorm by die skool (per afspraak) betaal word. (GEEN KONTANT)
Indien u enige hulp benodig kontak gerus vir Me. Renè Meyer by accounts@kempies.co.za
Ouers word slegs per afspraak op die skoolterrein toegelaat om die aansoek te finaliseer.
Hoe om ‘n afspraak te maak om die dokumentasie in te handig:
- Stuur ‘n e-pos aan accounts@kempies.co.za met u kind se naam en van asook die datum en tyd wat u graag die skool wil kom besoek.
- U sal per e-pos bevestiging ontvang of die datum en tyd geleë is.
- Kempies se kantoorure is:
Maandag – Donderdag: 07:00 – 13:00 en Vrydag 07:00 – 12:00